Berisha: Mediet që sulmojnë opozitën, Rama i vlerëson si pro-opozitare, në krye Ymer Baze e Karlo Bolino

Kryetari i PD-së Sali Berisha zbulon mashtrimin e kryeministrit Edi Rama.

Në konferencë për median sot para gazetarëve Berisha përmendi me emra konkretë mediat që sulmojnë më shumë opozitën ndërsa vlerësohen nga Edi Rama si mediat më pro-opozitare me në krye Ymer Bazen e Karlo Bolinon.

Pjesë nga deklarata e Berishës

Por tani, le të ndalemi pak tek studimi i Diellës që i referohet Edi Rama.

Kemi të bëjmë me një metodë, e cilat quhet metoda e studimit të zërit, të përmendjeve, pra sa herë përmendet kjo apo ajo parti, personalitet apo çfarëdo qoftë tjetër në raport me tjetrin.

Pra, nuk ka asnjë lidhje me kapjen.

Ka thjesht përmendjen, pra kush përmendet.

Pra sa përmendesh në lajme, në editoriale.

Këtu, mesatarja e PD është 63 përqind.

Kampion është Balkanwebi pas birësimit të Ervin Salianjit, se Salianjin e kanë futur dhe ia quajnë PD-së.

Vjen A2CNN, edhe ky po me ato qëndrimet e veta.

E treta pro PD-së është famozja JAVA, portali më ekstremist shqiptar. Shikoni se kush është.

Pastaj vjen Ymer Çorapja, aleati i madh, i cili ka në çdo numër të portalit minimumi 2 apo 3 artikuj për Sali Berishën.

Shikoni se çfarë mashtruesi ordiner, t’i thuash çdo gjë, por nuk po prish gojën time.

Pra vjen gazeta e Ymer Çorapes, pro PD-së. E kapur nga PD sipas Edi Ramës.

Pastaj vjen Albeu. Pastaj vjen TV Klan me 63 përqind.

Top Channel me 62 përqind.

Shqiptarja me 62 përqind.

Vizioni me 60 përqind.

Telegraf me 60 përqind.

Gazeta Shqip me 59 përqind.

Pastaj vjen Newsbomb me plot mëshirë 54 përqind.

Pra, mediat që sulmojnë më shumë opozitën nga mëngjesi gjer në darkë, mediat që unë i kam denoncuar para jush shumë kohë përpara, janë pjesë e asaj tiranie mediatike kundër opozitës.

Janë pjesë e sistemit të persekutimit politik ndaj opozitës.

Pjesë e shpifjeve dhe trillimeve monstruoze ndaj saj, vlerësohen nga Edi Rama si media pro-opozitare me në krye Ymer Bazen, Karlo Bolinon.