Këshilltari ekonomik në PD, Dorian Teliti ka publikuar një skandal të ri, ku qeveria Rama i ka dhënë Albcotrol 40 milionë euro me anë të një akti normativ, për të mbushur gropën e hapur nga humbja e gjyqit me biznesmenin italian, Francesco Becchetti.
Sipas Telitit, qeveria dështon, Becchetti arkëton, qytetari paguan.
Reagimi i Dorian Telitit:
Përveç ‘gjobës’ 30 milionë euro të tetorit, Qeveria e mbylli vitin 2025 me një tjetër ‘gjobë’ të radhës.
Ndërsa qytetarët bënin llogaritë e festave me qindarka, me një Akt Normativ të Buxhetit në fund të dhjetorit 2025, qeveria i kaloi 40 milionë euro të tjera Albcontrol-it.
Pse? Jo për investime, por për të mbushur gropën e Becchetti-t!
Bilanci i turpit për vitin 2025:
30 Milionë Euro në tetor.
40 Milionë Euro në dhjetor.
70 MILIONË EURO në total!
Këto janë paratë e mësuesve, mjekëve dhe pensionistëve që qeveria i djeg për të larë faturat e arrogancës së saj nëpër gjyqe të humbura ndërkombëtare.
Skema është e qartë: Qeveria dështon, Becchetti arkëton, qytetari paguan.
Kjo nuk është qeverisje, është grabitje me firmë dhe vulë!
Pyetje për shqiptarët: Deri kur do të mbushni vrimat e zeza të këtij pushteti me djersën tuaj?
© SYRI.net
Mbyllet protesta e 43-të kundër Ramës, qytetarët: Të hënën kallëzim në SPAK ndaj kreut të Policisë 
Protesta e 43-të radhazi/ Nis marshimi i mijëra qytetarëve në rrugët e Tiranës: Rama jepe dorëheqjen
‘Policët po keqtrajtohen’/ Ish-punonjësi i burgjeve në protestë: Nuk na trembni, Shqipëria do të ngrihet
Denonco
Merrni lajmet më të fundit nga SYRI.net në çdo moment dhe kudo që të jeni!
