Kryetari i PD Vlorë Hysni Sharra, kryetari i PD Selenicë Leonard Rakipaj, si dhe këshilltari i Bashkisë Vlorë Atird Hoxha, mbërritën në fshatin Vajzë për të parë nga afër situatën e rëndë të krijuar nga shkarjet masive të dherave, të cilat kanë sjellë shembjen e një segmenti të rrugës dhe kanë rrezikuar disa banesa.

Gjatë inspektimit, Atird Hoxha deklaroi se mungon plotësisht ndërhyrja e strukturave vendore.

“Nuk ka asnjë mjet të Bashkisë Selenicë në terren. Rruga ka rënë për shkak të mosmirëmbajtjes dhe neglizhencës së vazhdueshme,” u shpreh Hoxha, duke kërkuar që të merren masa emergjente për stabilizimin e infrastrukturës.