I shoqëruar nga bashkëshortja dhe fëmija i vogël, kandidati i pavarur për Bashkinë Tepelenë, Gabriel Guma, ushtroi të drejtën e votës në fshatin Luzat. Pas votimit, ai u bëri thirrje qytetarëve të marrin pjesë masivisht në procesin zgjedhor dhe të zgjedhin kandidatin që konsiderojnë më të përshtatshëm.

“U bëj thirrje të gjithë të dalin të votojnë masivisht. Të bëjnë zgjedhjen e duhur. Jam shumë i lumtur që zgjedhjet këtë herë janë demokratike. Vonesa ka pasur, por incidente jo,” tha Guma, duke e cilësuar ditën e votimit të qetë.

Guma garon përballë kandidatit të Partisë Socialiste, Gramos Sako, në një garë që pritet me interes në Tepelenë.

https://www.youtube.com/shorts/q_o5sQvL6Us