Kryetari i PD, Sali Berisha në një koment të shkurtër për zgjedhjet e pjesshme vendore që do të mbahen në 5 bashki të vendit, tha se një regjim që nuk pranon votën e lirë, duhet rrëzuar sa më parë.

Komentin kryedemokrati Berisha e bëri në konferencën përmbyllëse të kësaj jave me gazetarët, duke ritheksuar edhe njëherë vendosmërinë  e PD, se nuk do të pranojë zgjedhje të diktuara nga vota e krimit dhe kapjes së pushtetit.

"Tani, jam në prag të zgjedhjeve, por ti i di konsideratat e mia për regjimin. Një regjim që nuk pranon votën e lirë, është një regjim që duhet të rrëzohet sa më parë", u shpreh lideri demokrat, Sali Berisha.