Ka nisur seanca gjyqësore për dosjen “Partizani”, ku ish-kryeministri Sali Berisha dhe mbrojtja e tij po akuzojnë SPAK-un për shkelje të ligjit dhe politizim të procesit. Nga të pandehurit, i pranishëm ishte vetëm Jamarbër Malltezi, ndërsa të tjerët përfaqësohen nga avokatët.

Avokatja Klodjana Gjyzari, që mbrojnë Berishën dhe Studio Pustina, bëri një deklaratë të fortë gjatë seancës. Ajo tha se të gjitha vendimet në këtë proces po marrin formë nga gjyqtarja Irena Gjoka, mandati i së cilës sipas mbrojtjes kishte përfunduar që në vitin 2016 dhe mbi të ekziston një vendim i formës së prerë penal.

Gjyzari shtoi se dokumenti i dënimit të Gjokës është njohur dhe vlerësuar si autentik nga Prokuroria e Përgjithshme, çka sipas mbrojtjes tregon se vendimi ndaj Gjokës është i vërtetë dhe se kjo e bën të dyshimtë ligjshmërinë e të gjitha akt-aktet e saj në këtë proces.

Seanca vijon me shqyrtimin e kërkesave për pavlefshmëri të akuzave, ndërsa mbrojtja thekson se këto elementë vënë në diskutim legjitimitetin e procesit ndaj Berishës.

Gjokutaj: Ne kërkojmë pavlefshmëri absolute për marrjen si të pandehur dhe të njoftimit të akuzes për shtetasin Sali Berisha. Nga të dhënat e njoftimit nga SPAK, konstatohet se Berisha në cilësinë e tij si kryeministër, ka kryer veprime konkrete, duke marrë akte ligjore dhe nënligjore me qëllim përfitimin e familjeve pronare, ku përfitues ishte edhe Jamarbër Malltezi. Prokuroria ka tejkaluar kompetencën e saj kushtetuese, duke u bazuar në opinione. Ngritja e akuzës nuk është kryer në përputhje me ligjin. Prokuroria përdor dy standarte, për Sali Berishën vendos masë sigurie ndërsa per bazën detare të Limionit dhe për Teatrin nuk ka masë sigurie.

Ambasadorja Kim ka ushtruar presion në SPAK për të ndjekur penalisht Berishën.

Të njëjtën kërkesë si Sali Berisha, bëri dhe Klodjana Gjyzari mbrojtësja tjetër e liderit të opozitës. Kjo e fundit kërkoi pavlefshmëri te akteve të SPAK. Gjyzari mbron Berishën dhe Studion Pustina në këtë proces.

Gjyzari: Të gjitha vendimet janë marrë nga gjyqtarja Irena Gjoka, mandati i së cilës duhet të kishte mbaruar që në vitin 2016. Irena Gjoka ka qenë e dënuar me vendim të formës së prerë. Jemi vënë në dijeni që dokumenti që ne kemi dorëzuar, është vlerësuar autentik nga Prokuroria e Pergjithshme. Vendimi nuk është ekzekutuar dhe as nuk është ankimuar. Kjo tregon që vendimi ndaj Irena Gjokës është i vërtetë.