Kreu i Partisë Demokratike, Sali Berisha, deklaroi sot për mediat se rregullorja e Kuvendit është asgjësuar nga mënyra se si u zhvillua seanca e parë e parlamentit të ri.

Ai kritikoi kryesuesin e seancës, Vasil Llajo, duke e cilësuar “një mjek pa eksperiencë parlamentare” dhe tha se po mashtrohet për të zbatuar urdhra që cenojnë rregulloren.

Berisha theksoi se shpallja e disa komisioneve që nuk ekzistojnë në rregullore tregon qartë se parlamenti nuk po funksionon sipas ligjit dhe rregullave të tij dhe se kjo situatë tregon degradimin e institucioneve.

Pjesë nga deklarata:

Kryetari i Partisë Demokratike, Sali Berisha, deklaroi sot për gazetarët se është asgjësuar rregullorja e Kuvendit.

Kjo për shkak se kryesuesi i seancës shpalli disa komisione që nuk ekzistojnë në rregullore.

“Ky është parlamenti i atyre që thashë. Nuk është parlament.

Si mund ta lija unë Vasil Llajën, një mjek i cili nuk ka asnjë eksperiencë parlamentare dhe e mashtrojnë siç duan.

Ai nuk e di që parlamenti është rrëzuar që dje.

Që në momentin që ai shpalli komisionet të cilat nuk ekzistojnë në rregullore.

Kaq është puna.

Ai asgjësoi edhe rregulloren e parlamentit...,” tha Berisha.