Nga Besart Xhaferri/
“Kur flet tuci për trimni thu pse s’jam ushtar i tij”. Kjo frazë që e kam hasur në odat e Pejës më erdhi ndërmend kur dëgjova Edi Ramën teksa fliste sot në Parlament për projektrezolutën antikorrupsion të Partisë Socialiste.
Ai që nisi aplikimin e 20% për lejet e ndërtimit kur ishte në Krye të Bashkisë Tiranë, me ardhjen e tij në postin e kreut të qeverisë korrupsionin e çoi në nivelet Irakut të Sadamit dhe Ugandës së Idi Amin.
Korrupsioni i ka çuar pas hekurave të gjithë bashkëpunëtorët e tij të ngushtë duke nisur nga ish portofoli i tij Arben Ahmetaj, deri tek ai që jepte tendera me procedurë seksuale në Bashkinë e Kukësit.
Edi Rama është arkitekt i vjedhjes së inceneratorëve, është arkitekt i kriminalizimit të institucioneve që nisi me kanabizimin e vendit në 2013, një projekt personal i tij, që përgjaku Shqipërinë dhe kriminalizoi ekonominë.
Me modelin 5D shpikën një metodë të re korrupsioni ku zhdukën dhe sekserët dhe marrin për vete 100% të vlerës së tenderit, teksa dhe punimet e privatit kryhen me mjetet e shtetit.
Korrupsioni në arsim dhe shëndetësi, shkaktoi gjenocid në financat dhe jetët e shqiptarëve.
Nuk mund t'a luftojë korrupsionin qeveria e atij që çdo vit merr medalje ari për korrupsion.
Korrupsioni nuk luftohet me rezoluta por me akte, dhe jo si ai akti i firmosjes së 17 dokumenteve zyrtare në një ditë për t’i hapur rrugë vjedhjes së gjysëm miliard eurove me inceneratorët.
© SYRI.net