Kryeministri Edi Rama bëri sot një tjetër reagim ndaj RAI3, por sërish nuk kuptohej se cili ishte qëllimi i këtij qëndrimi.

Edhe kryeministri Edi Rama, njësoj si gazetarët italianë, pranon se njeriu më i fuqishëm në kryeministri pas tij, Engjëll Agaçi, ka qenë avokat i trafikantëve.

“Dhe nëse për këtë program të Shërbimit Publik një avokat penal nga një shtet ligjor, i cili si rregull nuk jeton duke mbrojtur shenjtorët, por duke mbrojtur supozimet kriminale ose kriminelët e dënuar, prandaj duhet të sulmohet sikur të ishte vetë një kriminel, kështu që këtu për të gjetur një logjikë të ngjashme është e pashmangshme t'i drejtohemi kujtimit të Shqipërisë kur figura e avokatit mbrojtës u varros nga regjimi gjakatar komunist si lebrozët në mesjetë,” shkruan Rama në rrjetet sociale.

Ndërkohë, gazetari italian i Report, Sigfrido Ranucci thotë për ‘La Repubblica’ se kanë dokumente për çdo gjë që kanë raportuar.

“Agaçi, Sekretar i Përgjithshëm i Këshillit të Ministrave dhe bashkëpunëtor i ngushtë i kryeministrit Edi Rama, konfirmoi atë që thamë në fakt. Në email-in e përgjigjes nga Agaçi, të cilit i kishim kërkuar disa fakte, ai konfirmoi se ishte avokat i disa trafikantëve të drogës dhe se kishte kontribuar që kur ishte këshilltar ligjor i Ramës, në zbatimin e protokollit. Për më tepër, versioni që u përdor për konsulencë u dha direkt në mikrofonat tanë nga gjeneral Lisi. Gjithçka që kemi thënë është në letër dhe është nga një burim dokumentar”, deklaroi Ranucci.