Anëtari i Kryesisë së PD-së, Belind Këlliçi, tha se protesta e 20 shkurtit ishte një mesazh i qartë jo vetëm për Qeverinë, por edhe për ndërkombëtarët.
Në një intervistë për Euroneës Albania, Këlliçi tha se është një lajm i mirë që edhe ndërkombëtarët i kanë thirrur arsyes, për të njohur realitetin politik në vend.
“ Duan apo nuk duan ka një PD dhe ajo PD drejtohet pikërisht nga Sali Berisha. Pastaj hajde i hyjmë diskutimit nëse duhet të hapet PD, duhet të ftojë personalitete të rinj, nga diaspora, etj”, tha Këlliçi.
“Unë nuk ta mohoj që PD ndoshta ka kaluar 2 vite e gjysmë më të vështirat të jetës së saj politike, por këto kanë shërbyer edhe për ta forcuar dhe për të treguar peshën e saj.
Që 20 shkurti ka qenë një mesazh i qartë për qeverinë, kjo është e padiskutueshme. Edhe për ndërkombëtarët ka qenë një mesazh i qartë.
Në PD vijon të ketë debate dhe diskutime. Kjo për mendimin tim është një gjë shumë e mirë. Unë personalisht gjykoj që jo dy komisione, jo 8, por edhe 80 të të japë qeveria, janë të parëndësishme, për të bërë detyrën e tyre deputetët e opozitës.
Nga ana tjetër po presim që të marrim atë që i takon opozitës, vendin në tryezën në reformën zgjedhore dhe të drejtën e paritetit. Ende jemi në bisedime, nuk ka asgjë të dakordësuar. Ajo çka do të ndodhë ditën e nesërme, do të ketë një shtim kallëzimi në çështjen e McGonigal, që do të depozitohet në SPAK sërish, për korruptimin që i ka bërë kryeministri Edi Rama një prej agjentëve të FBI-së”, tha Këlliçi.
© SYRI.net