Teksa qytetarët dhe opozita do të protestojnë sot në orën 17:30 përballë Kryeministrisë për keqqeverisjen, kreu i qeverisë Edi Rama është larguar nga Shqipëria.
Edhe pse data 20 shkurt ishte planifikuar prej më shumë se një muaji, Rama i shmanget llogaridhënies nga qytetarët, duke u larguar për në vizitë zyrtare në Turqi.
Duket se Rama ka marrë me vete pothuajse të gjithë ministrat e kabinetit të tij.
Pjesë e delegacionit në Turqi së bashku me Ramën është Zv/Kryeministrja dhe Ministrja e Infrastrukturës Belinda Balluku dhe ministrat Hasani, Peleshi, Denaj, Koçiu, Ogerta Manastirliu, Kumbaro.
Gjatë vizitës, Rama do të takohet me Presidentin e Turqisë Erdogan e më pas pritet të kenë një konferencë të përbashkët si edhe është planifikuar një takim për Këshillin Strategjik të nivelit të lartë mes dy qeverive.
© SYRI.net