Kreu demokrat Sali Berisha i ftuar në studion e emisionit “Open” foli për dosjen “Partizani” dhe akuzat ndaj tij nga SPAK.
Gjatë diskutimit në studio, Berisha u pyet nga gazetari Erl Murati nëse do të ishte më mirë, që beteja të zhvillohej në gjykatë.
Berisha u përgjigj duke thënë se mjafton që kryeparlamentarja Lindita Nikolla të japë lejen, dhe ai paraqitet që nesër në gjykatë.
Pjesë nga diskutimi:
Murati: Duhet të jeni i predispozuar që gjyqi të bëhet sa më shpejt. Opozitën në tërësi ky proces e dëmton.
Berisha: Silvio Berlusconit me 30 gjyqe dhe nuk i dëmtuan partinë.
Murati: Kandidatët tuaj do dalin në fushatën e ardhshme elektorale dhe do u thonë ‘ju keni kryetarin e akuzuar nga SPAK”.
Berisha: Nëse ka një akt të zbatimit të ligjit, ka një akt që shteti s’ka humbur asnjë qindarkë. Në këtë rast ka vetëm një turp të madh për narko-shtetin që monton procese politike.
Murati: Beteja s’do ishte më mirë të zhvillohej në gjykatë?
Berisha: Po, do shkoja në gjykatë që nesër. Nëse Nikolla firmos dhe unë shkoj. Pse s’më thirrën mua në 3 vite?
© SYRI.net