Është përkujtuar në fshatin Zhapokikë 75-vjetroi i kryengritjes antikomuniste. Në këtë ceremoni ishin pjesë deputeti demokrat, Tritan Shehu, kryebashkiaku Memaliajt si dhe të afërm të kryengritësve. Deputeti Shehu vlerësoi ngritjen e këtij memoriali për të kujtuar një nga ngjarjet më të rëndësishme.
Nga SYRI TV
Në fshatin Zhapokikë është organizuar ceremonia përkujtimore kushtuar 75-vjetorit të kryengritjes antikomuniste.
Kurora me lule u vendosen ne memorialin e ndërtuar nga bashkia e Memaliajt, nga deputeti i zonës Tritan Shehu, kryebashkiaku Albert Malaj.
Në këtë ceremoni kaë marrë pjesë përfaqësuesi i Autoritetit për Informim mbi Dokumentet e ish-Sigurimit të Shtetit, kryetari i Shoqatës Antikomuniste dhe i ish-të Përndjekurve Politikë si dhe familjarë e të afërm të kryengritësve të Zhapokikës.
Deputeti demokrat Tritan Shehu ka çmuar ngritjen e këtij memoriali si memorie e paçmuar ndaj vlerave të kësaj ngjarjeje të lavdishme.
Lëvizja e armatosur e Zhapokikës, u organizua në shtator-tetor të vitit 1948 si kryengritje antikomuniste e banorëve të zonës, ndaj pakënaqësisë së qeverisjes komuniste dhe përpjekje e qartë kundër regjimit diktatorial.
Ishte ndër lëvizjet e para të forta antikomuniste në jug të vendit, e mirëorganizuar me ideale të forta, betim para flamurit dhe vendosmëri kundër pushtetit komunist.
Gazetar: E. Bundo
Pamje: Syri TV
Montazhier: L. Kotri
© SYRI.net