Lulzim Basha deklaroi sot përpara gazetarëve se do të bashkojë sërish votat me mazhorancën.
Ai tha se do të bashkojë votat me Edi Ramën për të rritur pagat e anëtarëve të Gjykatës Kushtetuese.
Basha nuk dha një shpjegim se përse po pranon një projektligj që dyfishon pagat e anëtarëve të Kushtetueses në krahasim me gjyqtarët e tjerë të lartë.
Ky projektligj është kundërshtar nga opozita dhe nga vetë deputetët socialistë. Kujtojmë se edhe Fatmir Xhafaj abstenoi për këtë nismë.
Ndërkohë, pjesë e kësaj gjykate është edhe partnerja e Enkelejd Alibeajt, Marsida Xhaferllari.
Komisioni për Çështjet Ligjore miratoi të martën më 12 shtator një propozim të Gjykatës Kushtetuese për rritjen e pagave të gjyqtarëve të saj dhe të anëtarëve Kolegjit të Posaçëm të Apelimit, në masën dyfish krahasuar me pagën e gjyqtarëve të Gjykatës së Lartë dhe në tejkalim të ndjeshëm të pagës referencë të Presidentit të Republikës.
Projektligji i hartuar Ministria e Drejtësisë, me propozimin e vetë Gjykatës Kushtetuese, parashikon që paga e një gjyqtari kushtetues të jetë rreth 644 mijë lekë, ndërsa e kryetarit të kësaj gjykate në vlerën rreth 773 mijë lekë. Ky projektligj u konstestua nga disa anëtarë të Komisionit si “i palogjikshëm dhe i pabazuar”.
© SYRI.net