Pak ditë nga zhvillimi i zgjedhjeve të parakohshme në bashkinë e Kukësit, nënkryetari i Bashkisë në detyrë Granit Gjana është emëruar Prefekt i Qarkut të Kukësit.
Vendimi është marrë në mbledhjen e sotme të Këshillit të Ministrave, i cili ka vendosur njëkohësiusht shkarkimin nga posti i Prefektit Albert Halilaj, i cili është dhe kandidat i Partisë Socialiste në këto zgjedhje, që vijnë pas largimit të Safet Gjicit, i cili u përfshi në skandalin erotik në zyrën e tij me shtetasen Alma K.
Vendimi i Qeverisë
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
VENDOSI:
Albert Halilaj, prefekt i Qarkut të Kukësit, lirohet nga kjo detyrë.
Granit Gjana emërohet prefekt i Qarkut të Kukësit.
Ky vendim hyn në fuqi menjëherë dhe botohet në “Fletoren zyrtare”.
© SYRI.net