Kandidati i koalicionit Bashkë Fitojmë në kukës Emri Vata ka publikuar në faqen e tij në facebook një mesazh me rastin e nisjes së vitit te ri shkollor.

“Së bashku do të mund të krijojmë kushtet e domosdoshme për të gjithë fëmijët tanë, duke e kthyer vëmendjen tek institucionet arsimore”, shkruan Vata në mesazhin e tij.

Postimi i plotë:

Suksese të gjithë nxënësëve Kuksianë në këtë ditë të shënuar të nisjes së vitit të ri shkollor.

Së bashku do të mund të krijojmë kushtet e domosdoshme për të gjithë fëmijët tanë, duke e kthyer vëmendjen tek institucionet arsimore.

Të përmirësojmë shkollat tona, t’u ofrojmë fëmijëve tanë atë që meritojnë. Shkolla, kopshte dhe çerdhe me infrastrukturën e duhur.