Nënkryetari i PD, Oerd Bylykbashi, ndodhet sot në Bruksel për raundin e katërt të Iniciativës së Bashkëpunimit Ndërparlamentar, organizuar nga Fondacioni Konrad Adenauer dhe CDU.

"Zgjerimi i BE në kohë krize, sfidat e procesit të Berlinit, ndikimi i Kinës në Ballkanin Perëndimor ishin disa nga temat e diskutimit, - tregoi Bylykbashi. -  Theksova rrezikun që sjell modeli i një qeverisje autokratike e të centralizuar mbi integrimin e Shqipërisë dhe rrezikun që përbën kjo lloj qeverisjeje në hapjen e rruges ndaj influencës së huaj malinje në Shqipëri. Më shumë BE, më pak hapsirë për modelin e korruptuar dhe mafioz qeverisës të Ramës."