Kryetari i Partisë Demokratike, Sali Berisha, e cilësoi qeverinë si një organizatë kriminale, duke renditur faktet e aferës së inceneratorëve. Në një dalje për media, nga selia blu, Berisha deklaroi se kryeministri Rama, ndihmoi ish-zëvendësin e tij, Arben Ahmetaj, për tu arratisur
SYRI TV
Kryetari i Partisë Demokratike, Sali Berisha akuzoi qeverinë se ka vepruar si organizatë kriminale, për aferën e inceneratoreve, duke shkelur të gjitha ligjet e vendit, për të përfituar miliona euro. Në një dalje për mediat, lideri i opozitës, renditi disa nga faktet, që sipas tij, vërtetojnë se afera e inceneratorëve, ishte projekt i kryeministrit Edi Rama.
Berisha kritikoi punën e SPAK, duke akuzuar strukturën e posaçme anti korrupsion, që nuk kreu hetime të plota, për të shpëtuar nga përgjegjësia penale, kryeministrin Edi Rama dhe kryebashkiakun e Tiranës, Erion Veliaj.
Kreu demokrat komentoi edhe largimin jashtë vendit të Arben Ahmetaj, duke cilësuar një akt të turpshëm, arratisjen e ish zv.kryeministrit, që sipas tij, është ndihmuar nga Partia Socialiste.
Berisha hodhi poshtë aludimet, për thirrjen e tij nga SPAK, ndërsa theksoi se është i gatshëm të përgjigjet për çdo vendim që ka marrë pa asnjë lloj hezitimi.
© SYRI.net