Analisti dhe publicisti Nexhmedin Spahiu duke folur në ‘Çim Peka LIVE’ në SYRI TV, është shprehur se qëllimi i Vuçiçit me rrëmbimin e tre policëve, ishte të përdhoste uniformën e Policisë së Kosovës.
Spahiu veçoi edhe rolin e vakët të autoriteteve ndërkombëtare, të cilët nuk e gjykuan Vuçiçin, por vetëm i bënë ftesë për lirimin e policëve.
‘Pse të mbante me bukë tre policë që nuk kanë bërë asgjë. Ai e ka arritur qëllimin, nuk ishte qëllimi që të mbahen 3 njerëz të pafajshëm aty, por që të përdhoset uniforma e policisë së Kosovës.
Diplomacitë ndërkombëtare i bënë ftesë që të kthejë policët, por nuk e gjykuan atë, askush nuk e përdori fjalën rrëmbim, KFOR-i nuk doli me deklaratë edhe pse është shumë e qartë ku ka ndodhur rrëmbimi. Fjalimi i ndërkombëtarëve ishte më shumë si nxitje dhe jo si qetësim mes palëve.
Kreditet për lirimin e tyre Vuçiçi ja dhuroi kryeministrit hungarez Orban dhe pse unë e prisja që ai këtë do të ja dhuronte mikut të tij tashmë të dëshmuar, Edi Rama por nuk e bëri, ja dha Orbanit.
Besoj se qeveria e Kosovës nuk guxon të bëjë asnjë këmbim, që të kërkohej lirimi i policëve serbë të arrestuar në Kosovë, edhe pse ish-ambasadori përdori fjalën huligan.
Në fakt nuk është fjala për huligan, është fjala për polic të Serbisë që operojnë në Kosovë pa uniforma, por që kryejnë detyrat e tyre duke dhunuar qytetarët, së pari ata serbë, që i kanë detyruar edhe të lenë vendet e tyre të punës’, tha Nexhmedin Spahiu në SYRI TV.
EMISIONI I PLOTE:
© SYRI.net