Kreu i Grupit Parlamentar të Partisë Socialiste Taulant Balla, vijoi të përcaktojë negociatorët në emër të opozitës. Balla ftoi Gazmend Bardhin në dialog, për të diskutuar për zgjedhjen e Avokatit të ri të Popullit.
SYRI TV
Raporti i institucionit të Avokatit të Popullit, në Kuvend ndezi sërish debatin për vakancën e krijuar prej kohësh, për Avokatin e ri të Popullit. Kreu i Grupit Parlamentar të Partisë Socialiste, Taulant Balla, përcaktoi sërish se kush do të përfaqësojë opozitën, në negociatat për zgjedhjen e Avokatit të Popullit.
Nga ana tjetër, deputetët e opozitës, ngritën shqetësimin për zvarritjen e procesit dhe për profilin që do ketë, personi që do drejtojë zyrën e Avokatit të Popullit.
Ndërsa komisioni i ligjeve do të seleksionojë emrat mes 15 kandidatëve që i përmbushin kriteret formale për këtë pozicion, mazhoranca po mendon se si do sigurojë votat e opozitës edhe për ndryshimet në ligjet e reformës në drejtësi.
© SYRI.net