Kryetari i bashkisë së Shkodrës, Bardh Spahia ka inauguruar ambientet e reja sportive të shkollës 9-vjeçare “Ali Laçej” duke kërkuar që investimet në institucionet arsimore mos të ndalen. Ndërkohë nga ana tjetër ka falenderuar edhe fondacionin e modeles Angela Martini, e cila ka kontribuar ne realizimin e terrenit sporti modern.
Nga SYRI TV
Tashmë shkolla 9-vjeçare “Ali Laçej” ka një terren të ri sportiv që do të jetë në funksion të nxënësve për zhvillimin e orëve të edukimit fizik, por edhe për komunitetin e zonës. Kryetari i bashkisë së Shkodrës, Bardh Spahia, e ka vlerësuar këtë dhuratë nga fondacionit i modeles Angela Martini dhe ka kërkuar që këto investime të vijojnë.
Fondacioni i modeles shkodrane por me banim në Shtetet e Bashkuara të Amerikës, Angela Martini, ka zgjedhur lagjen ku ka jetuar për të dhënë një shembull tejet pozitiv duke i rikthyer shkollës dhe banorëve, kompleksin sportiv shumëdimensional dhe tejet moderne me sistem ndriçimi për zhvillimin e lojërave edhe në orët e mbrëmjes.
Gazetar: F. Maka
Pamje: Syri TV
Montazhier: L. Kotri
© SYRI.net