Fisnik Qosja kryeson me epërsi garën në Kavajë, kur po numërohen kutitë e fundit. 

Në një intervistë për Syri Tv, pasi shpalli fitoren, Qosja u shpreh se qytetarët bënë ndryshimin në 14 Maj me votë plebishitare. 

Ai tha se Kavaja e ka treguar gjithmonë se është kundër diktaturave dhe regjimeve. 

"Qytetarët e Kavajës e kanë shprehur vullnetin e tyre. Kanë muaj të tërë që kanë vendosur për ndryshimin në Kavajë. Qytetarët e Kavajës janë kundër diktaturave, kundër regjimeve. Kavajasit dje e treguan me votat e tyre plebishitare se Kavaja do ndryshim. Njerëzit nuk e duronin padrejtësinë që po i ndodhte qytetit. Kavajasit asnjëherë nuk gabojnë në zgjedhje. Kavaja zgjodhi, Kavaja vendosi", u shpreh Qosja.