Sekretari i Përgjithshëm i PL-së, Tedi Blushi ka reaguar në lidhje me aksionin e Policisë Bashkiake për të pastruar posterat e Erion Veliajt dhe Edi Ramës, ku qytetarët kanë ngjitur thirrjet e tyre për të pranuar debat publik me Belind Këlliçin.
‘Më mirë se t'i grisni, mblidhini ftesat dhe çojani Erionit në zyrë, bashkë me kërkesën: Dil në debat me Belon o frikacak, boll u fshehe skutave!’, shkruan Blushi në Facebook.
Postimi i plotë:
Policia e Bashkisë, në shërbim të partisë!
Në fakt duhet të jenë ditë dhe natë në shërbim të qytetarëve, por edhe në ditët e fundit, Erion Veliaj i depersonalizon duke i detyruar të lajnë dhe pastrojnë fytyrën e tij dhe të Edi Ramës në billborderat e Tiranës, ku qytetarët kanë ngjitur thirrjen e tyre për të pranuar debatin publik me Belind Këlliçin!
Më mirë se t'i grisni, mblidhini ftesat dhe çojani Erionit në zyrë, bashkë me kërkesën: Dil në debat me Belon o frikacak, boll u fshehe skutave!
#BashkeFitojme ✌🏻🇦🇱 #Tirana #14Maj #Fitore
© SYRI.net