Parlamenti do të zhvillojë sot, më 28 mars, seancën e përjavshme plenare që nis në orën 10:00. Sipas rendit të ditës, është përcaktuar:

Interpelancë me Ministren e Financave, Delina Ibrahimaj, nga deputetja e PD Jorida Tabaku. Më tej, do të votohet projektligji “Për tatimin mbi të ardhurat” dhe dy projektvendimet për ndryshime në vendimin e lidhur me anëtarët zëvendësues të Komisioneve të Përhershme të Kuvendit. Pika e fundit e rendit të ditës është parashikuar për çështje të tjera jashtë rendit për rreth 60 minuta.