Shqiptarët janë populli më i palumtur në Europë, ndërsa më të lumturit janë finlandezët. Në raportin e përvitshëm të Organizatës së Kombeve të Bashkuara, Shqipëria renditet në vendin e 91, ku si tregues janë marë disa. Përkeqësimi duket se ka ardhur si pasojë e problemeve të theksuara sociale, korrupsionit, rritjes së çmimeve etj.

Syri tv

Shqiptarët janë ndër më të palumturit në Europë. Në Raportin e përvitshëm të Lumturisë të publikuar nga Organizata e Kombeve të Bashkuara, Shqipëria ka humbur një vend në pozicionim, duke u renditur në vendin e 91 nga 146 shtete gjithsej.

Ky raport bazohet në një anketë vjetore, ku pyeten rreth 1000 individë, të cilëve iu kërkohet që të rendisin, nga 1 në 10, për të parë nëse janë duke jetuar mirë apo jo.

Vendet renditen sipas lumturisë bazuar në vlerësimet mesatare të jetës së tyre gjatë viteve  2020-2022 dhe duket se ky ndikim negativ për shqipërinë ka të bëjë me problemet e theksuar sociale , rritjen e ccmimeve, korrupsionin por edhe ndikimi si shkak I pandemisë. Por,  për të kuptuar rezultatet, studiuesit kanë përdorur këta tregues: Prodhimi i Brendshëm Bruto për frymë, pritshmërinë për një jetë të shëndetshme në lindje, mbështetja sociale, lirinë për të marrë vendime të rëndësishme në jetë dhe nivelet e perceptuara të korrupsionit etj.

Për të gjashtin vit radhazi, Finlanda është vendi më i lumtur në botë, Vendi nordik dhe fqinjët e tij, Danimarka, Islanda, Suedia dhe Norvegjia të gjitha renditen shumë mire.

Sakaq Izraeli është ngjitur në vendin e katërt, krahasuar me vendin e 9-të vitin e kaluar, e ndërkohë ngjitje në renditje ka pësuar dhe Estonia e Letonia.