Nënkryetari i PL-së Endrit Braimllari ka reaguar pas deklaratës së kryebashkiakut të Tiranës Erion Veliaj se ‘detyra e kryetarit të bashkisë është të pastrojë qytetin dhe të lërë plehrat te dera e institucionit që duhet të bëjë përpunimin’.

Në postimin e tij në Facebook, Braimallari ka postuar një shkresë dhe i kujton Veliajt të pyesë Taulant Tushen, njeriun e vetë të besuar për çdo të zezë që bën në bashki dhe që e ka pasur edhe pjesë të komisionit për inceneratorin e Tiranës.

Postimi i plotë:

Kryemashtruesi i Tiranës, Erion Veliaj që i paguan 29 Euro/ton inceneratorit që gropos primitivisht mbetjet në Sharr, ka thënë dje në një emision televiziv se detyra e kryetarit të Bashkisë është të pastrojë qytetin dhe të lërë plehrat te dera e institucionit që duhet të bëjë përpunimin. Domethënë ku i jep lekët, por se ca ndodh atje, nuk mban përgjegjësi.

Ashtu? Po në Komision Hetimor, pse deklaroje se Sharra sot ishte krenaria jote si kryetar bashkie, duke nxjerrë fotot e propagandës së barit jeshil.

Jo vetëm kaq, por, ti ke shkuar e ke vizituar nga afër si kryetar bashkie zonën e Sharrës pasi e mori kompania private, duke i bërë reklame dhe duke i thurur elozhe me jargë, kësaj kompanie që do shpëtonte qytetarët e Tiranës nga mbetjet, duke i trajtuar, ricikluar, djegur ato.

Kryemashtrues ordiner, shife këtë shkresë dhe pyete Taulant Tushen, njeriun tënd të besuar për çdo të zezë që bën në bashki, e që e ke pasur edhe pjesë të komisionit për inceneratorin e Tiranës.

Taulanti mund të ta rifreskojë memorien se çfarë ka ndodhur ato ditë të vitit 2017 kur ti vetëm mendoje se ku do çoje lekët që do të vidhnit nga koncesioni 30 vjeçar i inceneratorit të Tiranës.

Taulanti mund të të shpjegojë përshembull, se çfarë i ke thënë ti pasi ke firmosur pa vendim të Këshillit Bashkiak dakordësinë financiare për studimin e fizibilitetit.

Taulanti mund të të rikujtojë edhe çfarë i ke thënë ti para se të shkoje në këtë Mbledhje të Komisionit, ku qartazi është pranuar nga Taulanti si kryepërfaqësuesi jot financiar në bashki, se Bashkia Tiranë ka dhënë dakordësinë për vazhdimin e procedurave të projektit në fjalë referuar studimit të fizibilitetit.

Pra, kryemashtrues, ti si kryetar bashkie nuk ke vetëm rolin e dorëzimit të mbetjeve, por për inceneratorin e Tiranës ke rol kryesor, pasi ti me firmën tënde ke ndryshuar fatin e koncesionit.

Konsultohu me Taulantin, ndoshta të shërben gjatë fazave të hetimit!