Ulliri, ndryshe nga një vit më parë, ka pasur prodhim më të lartë, edhe në fshatrat e Mallakastrës si në Gjerbës, Çrrilë, Aranitas, Greshicë, Fratar e deri në kufi me fshatrat e zonës së Beratit.
Fermerët pohojnë se fshatrat e tyre janë shpopulluar, të rinj nuk ka dhe kanë mbetur shumë pak familje. E këto largime kanë bërë që të mos ketë fuqi punëtore për vjeljen e ullinjve, duke i lënë prodhimet në pemë.
Nga ana tjetër, Viktor Pahaj, pronari i një fabrike të prodhimit të vajit të ullirit, pohon se fabrika punon me kapacitet të plotë, por nuk ka treg e nuk ka pika grumbullimi.
Mos-subvencionimi me karburant e pesticide bën që të rritet kostoja e prodhimit dhe kjo i penalizon ata që prodhimin e tyre të mos e eskportojnë, pasi në vendet fqinje, çmimi i vajit të ullirit është më i lirë. Si pasojë, banesat e fermerëve, janë kthyer në magazina vaji.
© SYRI.net