I ftuar në Çim Peka Live, deputeti i PD Oerd Bylykbashi, ka komentuar vendimin e Bashës për përjashtimin si Nënkryetar i Komisionit të Sigurisë duke e quajtur një vendim i cili por përçan më tej politikisht PD.
Sipas Bylykbashit, Bashës i është thyer një gjë në dorë, e kanë keqdrejtuar dhe kequdhëzuar por është një indikator i një zvogëlimi të mëtejshëm në të menduar dhe në të vepruar.
Peka: Sapo është marrë vendimi nga Basha për shkarkimin e deputetit Flamur Noka nga Nënkryetar i Kominisonit të Sigurisë si dhe e ka paralajmëruar për përjashtimin e tij nga grupi parlamentar. Arsyeja e këtij vendimi është shndërrimi i mbledhjes së kryesisë së grupit në laborator të gënjeshtrave për të baltosur kryetarin dhe PD duke sajuar qëndrime të pathëna dhe të paqëna.
A ka Basha fuqi ta marrë këtë vendim?
Bylykbashi: Armiku i jashtëm është histori e vjetër për të heshtur problemet e rëndësishme që kemi në këto momente.
Përsa i përket grupit parlamentar dhe kryesisë që e kontrollon Basha, ajo propozon ta shkarkojë nga funksioni i nënkryetarit. A do ta bëjë me mua? Unë mendoj që jo por të presim. Por i është thyer një gjë në dorë, e kanë keqdrejtuar dhe kequdhëzuar por është një indikator i një zvogëlimi të mëtejshëm në të menduar dhe në të vepruar. PD nuk zmadhohet kështu. Nuk e di çfarë i ndodhë zotit Noka me këtë vendim politik, pasi është asgjë. Për përjashtim nga grupi parlamentar nuk ka të drejtë.
Asgjë më shumë por përçan më tej politikisht PD.
© SYRI.net