Shkencëtarët në agjencinë amerikane të hapësirës NASA gjetën "pluhur dhe mbeturina të zeza" kur hapën kapsulën hapësinore që u kthye së fundmi në Tokë me mostrën më të madhe të asteroidit të sjellë ndonjëherë nga hapësira.

NASA tha të martën se studiuesit zbuluan "pluhur dhe mbeturina në kuvertën avionike të kutisë së shkencës Osiris-REx kur kapaku fillestar u hoq sot".

Agjencia hapësinore nuk specifikoi nëse materialet e zbuluara në hapjen e kapakut të sondës i përkisnin patjetër asteroidit, megjithëse NASA shkroi në media sociale:

 "Shkencëtarët gulçuan ndërsa kapaku u hoq nga kutia e kthimit të mostrës së asteroidit [Osiris-REx]. Një kuti thesari shkencor. Pluhur i errët dhe grimca me madhësi rëre" u gjetën "në pjesën e brendshme të kapakut dhe bazës".

“A scientific treasure box.”

Scientists gasped as the lid was lifted from the #OSIRISREx asteroid sample return canister, showing dark powder and sand-sized particles on the inside of the lid and base.

Read more from the @NASA_Johnson curation lab: https://t.co/JBw6TCI7kB pic.twitter.com/t43QEDLH7G

— NASA Astromaterials (@Astromaterials) September 26, 2023

Mbetjet në kuvertën avionike të gjetura të martën ka të ngjarë të ishin rezultat i problemeve gjatë fazës së grumbullimit të misionit hapësinor, të cilat NASA tha se u zgjidhën përfundimisht, duke lejuar transferimin e sigurt të mostrës nga asteroidi në kutinë e ruajtjes së sondës.

Kapaku i sondës u hap në një dhomë hermetike në Qendrën Hapësinore Johnson në Hjuston, Teksas.

Shkencëtarët e NASA-s tani po presin me padurim për të filluar analizimin e pjesës më të madhe të kampionit të marrë nga asteroidi , i cili do të kërkojë "çmontim të ndërlikuar" të sondës, tha agjencia hapësinore.

Një konferencë shtypi është planifikuar për 11 tetor, gjatë së cilës informacioni për pjesën më të madhe të mostrës do të zbulohet për publikun.

Anija kozmike robotike OSIRIS-REx u nis në vitin 2016 dhe mblodhi ekzemplarin e saj tre vjet më parë nga Bennu, një asteroid i vogël, i pasur me karbon, i zbuluar në vitin 1999, i cili klasifikohet si një "objekt afër Tokës" sepse kalon relativisht afër planetit tonë çdo gjashtë vjet.

Marrja shënoi vetëm kampionin e tretë të asteroidit, dhe deri tani më të madhin, i kthyer ndonjëherë në Tokë për analizë, pas dy misioneve të ngjashme nga agjencia hapësinore e Japonisë që përfunduan në 2010 dhe 2020.

Analiza e materialit të marrë nga asteroidi, besojnë shkencëtarët, do t'i ndihmojë studiuesit të kuptojnë më mirë formimin e sistemit diellor dhe mënyrën se si Toka u bë e banueshme.