Aksident i rëndë në Vlorë, humb jetën 34-vjeçari

Një aksident i rëndë është regjistruar këtë të martë në aksin Panaja–Novosel, në vendin e quajtur “Shamogjin”, në Vlorë.

Sipas informacionit paraprak, një automjet i drejtuar nga shtetasi A.H., 34 vjeç, ka humbur kontrollin gjatë lëvizjes dhe është përplasur me murin anësor të një banese.

Si pasojë e përplasjes së fortë, drejtuesi i mjetit mbeti i plagosur rëndë dhe u transportua me ambulancë drejt Spitalit Rajonal të Vlorës.

Megjithatë, për shkak të plagëve të marra, 34-vjeçari nuk ka mundur të mbijetojë dhe ka ndërruar jetë në spital.

Policia ndodhet në vendngjarje dhe po punon për zbardhjen e plotë të rrethanave të aksidentit.

Njoftimi i policisë: 

Vlorë/Informacion paraprak

Rreth orës 11:10, në aksin rrugor “Panaja-Novoselë”, shtetasi A. H., 34 vjeç, banues në Novoselë, duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga dhe është përplasur me një mur.     

Shtetasi A. H. është dërguar në spital, por ka humbur jetën.   

Grupi hetimor po punon për zbardhjen e rrethanave të aksidentit.