Shpërndante video dhe foto me përmbajtje p*rn*grafike të fëmijëve 10–12 vjeç, Prokuroria e Fierit dërgon për gjykim autorin

Prokuroria pranë Gjykatës së Shkallës së Parë të Juridiksionit të Përgjithshëm Fier ka përfunduar hetimet dhe ka dërguar për gjykim shtetasin I.M., i akuzuar për veprën penale të “Pornografisë”.

Sipas hetimeve, ai dyshohet se ka shpërndarë dhe ruajtur në rrjete të ndryshme sociale dhjetëra foto dhe video me përmbajtje abuzive seksuale me të mitur, materiale që u zbuluan pas kontrollit të banesës dhe sekuestrimit të dy telefonave celularë. Nga ekspertiza tekniko-kompjuterike u gjetën në total 30 video dhe 125 imazhe me përmbajtje pornografike me fëmijë të moshës10–12 vjeç.

Njoftimi i Plotë:

Shpërndante foto dhe video me përmbajtje seksuale me të mitur në internet, Prokuroria e Fierit dërgon për gjykim shtetasin I.M. për veprën penale ‘Pornografia’

Prokuroriapranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgon për gjykim, shtetasin I.M për veprën penale “Pornografia”, parashikuar nga paragrafi i dytë i nenit 117 të Kodit Penal.

Në përfundim të hetimeve mbi procedimin penal nr. 1433 të vitit 2025, regjistruar mbi bazë të referimit tëDrejtorisë së Përgjithshme të Policisë së Shtetit, Drejtoria e Hetimit të Krimeve Kibernetike, u evidentua se i pandehuri I.M kishte në platformat e ndryshme të rrjeteve sociale si “Mobile Streaming, Tik Tok, Pinterest.com” në total 111 materiale foto dhe video me përmbajtje abuzive seksuale me të mitur në internet.

Me kërkesë të prokurorisë u miratua nga Gjykata e Shkallës së Parë të Juridiksionit të Përgjithshëm Fier kontrolli personal dhe i banesës për autorin e dyshuar pandehurit, si dhe sekuestrimi i aparateve celular “Smartphone”, së bashku me të drejtën mbi hyrjen dhe inspektimin e të dhënave në këtë pajisje elektronike për qëllim të veprës penale “Pornografia”, parashikuar nga paragrafi i dytë i nenit 117 të Kodit Penal.

Nga ekspertiza tekniko-kompjuterike për dy aparatet celular “Smartphone” të sekustruar nga kontrolli personal i tëpandehurit, u arrit të zbulohen një numër i konsiderushëm foto dhe video me përmbajtje abuzive seksuale me të mitur në internet, me fëmijënë moshë të prezumuar 10-12 vjeç.

Hetimi ka zbuluar gjithashtu se këto materiale pornografike me të mitur kishin burime të ndyshme nga të cilat ishin ruajtur në memorien e pajisjeve elektronike, konkretisht nga komunikime “Chat” të instaluara në telefon, nga navigimi i përdoruesit në internet dhe imazhe të fiksuara direkt nga ekrani i celularit. Në total janë gjetur 30 video dhe 125 imazhe me përmbajtje pornografike me të mitur, të cilat kryesisht janë shkarkuar nga aplikacioni “Telegram”.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për hetimin dhe vënien para përgjegjësisë ligjore të personave që kryejnë vepra penale që prekin integritetin fizik, psikik dhe mirërritjen e fëmijëve, nëçfarëdo mekanizmi të kryerjes dhe shpërndarjes së veprimeve abuzuese me fëmijët.