Dy kushërinj janë vënë në pranga nga Policia e Lushnjës, pas një ngjarjeje të dhunshme të ndodhur ditën e djeshme në një lokal në lagjen “Gafurr Muço”.
Sipas njoftimit zyrtar, pas marrjes së sinjalizimit, shërbimet e Policisë kanë mbërritur menjëherë në vendngjarje dhe kanë bërë të mundur arrestimin në flagrancë të dy autorëve të dyshuar.
Në përfundim të veprimeve hetimore, specialistët për Hetimin e Krimeve të Komisariatit të Policisë Lushnjë kanë arrestuar shtetasit Enea Zhuri, 35 vjeç dhe Mario Zhuri, 31 vjeç, të dy banues në fshatin Qerret i Ri, Lushnjë.
Sipas Policisë, ata dyshohet se për motive të dobëta kanë goditur me grushte dhe sende të forta shtetasin A. Gj., 52 vjeç, banues në fshatin Jeta e Re. I dëmtuari ndodhet aktualisht nën kujdesin e mjekëve në spital.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lushnjë, për veprime të mëtejshme procedurale.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Itali/ Goditet një bandë shqiptare, vodhën disa argjendari, mallra me vlerë mbi 500 mijë euro
'Shkelje në tendera publikë'/ SPAK dërgon për gjykim Erion Isain dhe 11 zyrtarë të Bashkisë Kolonjë
Sulmi i Ramës ndaj protestuesve, procedohen 27 persona 