Aksident i rëndë në aksin Peshkëpi-Kotë, plagosen 2 persona

Një makinë ka dalë  nga rruga përgjatë aksit Peshkëpi–Kotë, me pasojë dy të plagosur. 

Aksidenti është regjistruar mbrëmjen e së mërkurës rreth orës 20:30 kur një automjet tip Volkswagen, doli nga rruga dhe përfundoi duke goditur një shtyllë të tensionit.

Në mjet mësohet se udhëtonin dy shtetas, të cilët u transportuan me autoambulancë drejt Spitalit Rajonal të Vlorës. 

Në vendngjarje mbërritën shërbimet policore, të cilat po punojnë për sqarimin e rrethanave të aksidentit.