Kamëz/ Vodhi një shumë parash, në një automjet të parkuar në rrugën 'Demokracia', arrestohet 44-vjeçari

Një 44-vjeçar është arrestuar nga Policia e Kamzës, vetëm pak minuta pasi kishte vjedhur një shumë parash nga një automjet i parkuar në rrugën “Demokracia”.

Shtetasi me iniciale R. M., banues në Kamëz, u kap nga shërbimet e Komisariatit Nr. 5 gjatë tentativës për t’u larguar me automjetin e tij tip “Benz”.

Arrestimi u bë vetëm pak metra larg vendit të ngjarjes.

Gjatë kontrollit, policia sekuestroi:

shumën e parave të vjedhura,

automjetin me të cilin do të largohej i dyshuari,

dhe celularin e tij.

Zyrtarët e policisë njoftuan se po vijon puna hetimore për të verifikuar nëse 44-vjeçari ka kryer edhe vjedhje të tjera në zonë.

Materialet procedurale iu referuan Prokurorisë së Tiranës, e cila do të vijojë veprimet ligjore për rastin.

Njoftimi i plotë:

Sekuestrohen shuma e parave të vjedhura, si dhe automjeti dhe celulari i të arrestuarit.

Menjëherë pas njoftimit se në një automjet të parkuar në rrugën “Demokracia”, ishte vjedhur një shumë parash, shërbimet e Komisariatit të Policisë Nr. 5 organizuan punën për vënien në pranga të autorit. Si rezultat i veprimeve të shpejta operacionale, u identifikua dhe u kap menjëherë pas vjedhjes, autori i dyshuar, shtetasi R. M., 44 vjeç, banues në Kamëz.

44-vjeçari u arrestua pak metra larg vendit ku kreu vjedhjen, gjatë tentativës për t’u larguar me automjetin e tij tip “Benz”.

Punohet për zbardhjen e vjedhjeve të tjera që mund të ketë kryer ky shtetas.

Materialet procedurale iu referuan Prokurorisë së Tiranës, për veprime të mëtejshme.