Një 34-vjeçar u vu në pranga në Bulqizë pasi u kap duke drejtuar automjetin nën efektin e alkoolit dhe duke kryer manovra të rrezikshme në një zonë të banuar.
Sipas njoftimit zyrtar, patrulla e Komisariatit të Policisë Bulqizë konstatoi automjetin që lëvizte në mënyrë të parregullt në lagjen e vjetër të qytetit. Pas ndalimit, drejtuesi i mjetit, shtetasi Xh. D., 34 vjeç, banues në Bulqizë, iu nënshtrua testit të alkoolit, i cili rezultoi pozitiv, duke vërtetuar se ishte në gjendje të dehur.
Në momentin kur oficerët e policisë ndërhynë për ta shoqëruar në komisariat, 34-vjeçari kundërshtoi me dhunë punonjësit e rendit, shkruan A2 CNN.
Menjëherë pas incidentit, ai u neutralizua dhe u arrestua në flagrancë nga shërbimet e policisë, në bashkëpunim me oficerin e Policisë Gjyqësore pranë Prokurorisë së Dibrës.
Ndaj tij rëndojnë tre akuza: “Kundërshtimi i punonjësit të policisë së rendit publik”, “Mosbindja ndaj urdhrit të punonjësit të policisë së rendit publik” dhe “Drejtimi i automjeteve në mënyrë të parregullt”.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
‘Haribo me kanabis’/ Policia e Shtetit ngre alarmin, informon Ministrinë e Arsimit: Ja rastet
Kontrolle tek ‘Liqeni I Thatë’ për 2 Call-Centera/ Vijim i hetimit për shtatë të ndaluarit në muajin prill
Aksident pranë urës së Drejtorisë së Policisë në Tiranë, përplasen motori dhe një automjet