Një 32-vjeçar shqiptar u dënua me 14 muaj burg në Britani, pasi u kap duke punuar si ‘kopshtar’ në një ‘fermë kanabisi’. Bëhet fjalë për Ismen Keca, i cili ka mbërritur në Britani ilegalisht pak kohë më parë.

Në operacionin policor të 14 prillit, autoritetet britanike gjetën dhe sekuestruan 152 bimë kanabis, e cila vlerësohet deri në 150 mijë paund.

Gjatë seancës gjyqësore, Keca u dëshmoi se rruga për në Britani i kushtoi 7000 paund dhe duhet të punonte për t’i shlyer ato, si dhe për të dërguar para familjes së tij në Shqipëri. “Isha i detyruar! Kisha borxhe për të shlyer”, është shprehur sisipas mediave britanike, sakaq  ka pohuar se për tre javë kishte fituar 300 paund.

Pas shlyerjes së dënimit prej 14 muajsh burg, 32-vjeçari shqiptar do të dëbohet nga territori britanik.