Shtypi grek tregon sot se si një biznesmen, si Ali Pasha dikur që kishte urdhëruar të mbytej bukuroshja Frosini në liqenin e Janinës, hodhi me tre shokë në të njëjtin liqen, të fejuarën e tij 31-vjeçare shtatzënë prej tij. Vajza, për shkak se së fundmi lidhja e tyre nuk po shkonte mirë, i kishte kërkuar divorcin dhe njëkohësisht e kishte njoftuar se është me barrë, por do ta mbante fëmijën.

Ai i ishte përgjigjut se nuk do të lejonte një tjetër të ishte me gruan dhe fëmijën e tij dhe i kërkoi asaj të takoheshin. Në të vërtetë, vajza i doli në takim, por biznesmeni kishte me vete edhe tre persona të tjerë.

Në atë kohë, të tre "duke vepruar së bashku, pas një vendimi të përbashkët", pasi "zbritën 31-vjeçaren nga makina me dhunë fizike, duke e tërhequr nga duart dhe flokët dhe duke e shtyrë me dhunë, fillimisht e ngritën në ajër, e tërhoqën zvarrë në bregun e liqenit të Janinës në një distancë rreth 3 metra, e ngritën sërish në ajër dhe e hodhën në liqen, edhe pse pacientja i thërriste vazhdimisht që ta lëshonin. Për pasojë i kanë shkaktuar lëndime fizike.

Biznesmeni e ka parë me indiferencë skenën. Pastaj të katër burrat u larguan së bashku dhe e lanë vajzën në liqen. Në fakt, siç e përshkruan ajo, kur janë larguar as nuk kanë kthyer kokën pas për të parë nëse ka dalë në sipërfaqen e liqenit apo jo. Me shumë përpjekje dhe ndërsa temperatura atë ditë ishte 6 gradë Celsius, vajza arriti të dilte në breg (në një rrugë buzë liqenit). E lagur, e plagosur dhe e vuajtur teksa ishte ajo shkoi te makina e saj dhe gjeti celularin e saj.

Menjëherë ka lajmëruar Policinë duke thënë “më hodhën në liqen, do të më vrasin, ejani shpejt se kam ftohtë”.

Në të vërtetë ka mbërritur menjëherë një ambulancë e urgjencës dhe një makinë policie. Ajo u dërgua në spital me hipotermi, mavijosje në shpatullën e majtë, gjunjë, pëllëmbën e djathtë dhe krahun e majtë. Aty iu mjekuan plagët, iu nënshtrua analizave dhe u shtrua në spital për dhjetë ditë.

Qëllimi i biznesmenit ishte të hidhte në liqen të fejuarën e tij për të abortuar foshnjën që mbante në krahë, babai i së cilës ishte vetë ai.

Biznesmeni dhe dy personat e tjerë që kontribuan në të gjithë operacionin ndaj 31-vjeçares u arrestuan, ndërsa identiteti i personit të katërt nuk u bë i ditur.

Sipas aktvendimeve të gjykatës, sipërmarrësi (kryerësi moral) “duke vepruar me shtytje, bindje, rëndim dhe qëllim ka bërë që të tjerët të vendosin të kryejnë veprën e paligjshme që kanë kryer, përkatësisht dëmtimin e rrezikshëm trupor. Në mënyrë të veçantë, në vendin dhe orën e mësipërme ka bindur të pandehurit e dytë dhe të tretë dhe një bashkëpunëtor tjetër, identiteti i të cilit nuk u konstatua, që bashkërisht të kryejnë veprën e paligjshme të dëmtimit të rrezikshëm trupor ndaj viktimës 31-vjeçare, duke e cila është vënë në rrezik për jetën e saj”.

Në fund, biznesmeni u dënua me dy vjet burg, tre vjet me kusht, për bashkëpunim moral në dëmtim të rrezikshëm trupor të përbashkët.

Më në fund, aventura e 31-vjeçares pati një fund të lumtur, pasi ajo solli në jetë një fëmijë të shëndetshëm, i cili sot është 7 vjeç. Në të njëjtën kohë, ajo vazhdoi jetën e saj, u martua - sigurisht jo me biznesmenin - dhe pati një fëmijë tjetër, përfundon shkrimi i medias greke.