Një aksident tragjik ka ndodhur në fshatin Bestrove të Vlorës, ku një makinë ka përplasur një çift turistësh me biçikleta.
Sipas burimeve për SYRI-n, çifti është me kombësi franceze.
Si pasojë e godtijes, gruaja ka mbetur e vdekur, ndërkohë i shoqi është transportuar në spital.
Makina e cila ka përplasur për vdekje turisten franceze drejtohej nga 24 vjeçari Kristi Dano banues në fshatin Oshtimë, Vlorë.
Mendohet se shpejtësia e lartë e mjetit solli edhe përplasjen fatale.
Turistët ishin duke kaluar anës rrugës kur i ka goditur makina.
Vlorë/ Informacion paraprak
Rreth orës 15:20, në aksin rrugor Bestrov-Vlorë, automjeti me drejtues shtetasin K. D., 24 vjeç, banues në fshatin Oshtimë, Vlorë, ka aksidentuar 2 shtetas francezë (bashkëshortë), që udhëtonin me 2 biçikleta.
Si pasojë e aksidentit ka ndërruar jetë shtetasja franceze, ndërsa bashkëshorti i saj shtetasi M. F., 47 vjeç, ndodhet në spitalin e Vlorës, nën kujdesin e mjekëve.
Drejtuesi i automjetit, shtetasi K. D., u shoqërua në Komisariat, për veprime të mëtejshme.
Në vendngjarje ndodhet grupi hetimor, i cili po punon për sqarimin e plotë të rrethanave të aksidentit.
© SYRI.net