Një konflikt mes dy personash është regjistruar në fshatin Labinot-Fushë në Elbasan.
Sherri ka ndodhur pasditen e sotme brenda një lokali për motive të dobëta mes shtetasve me iniciale E.Ll dhe G.K.
53-vjeçari me iniciale E.Ll. ka goditur me sende të forta 57-vjeçarin me iniciale G.K. dhe është larguar menjëherë nga vendngjarja.
Policia ka shkuar për të sqaruar rrethanat e ngjarjes dhe për të bërë zbardhjen e plotë të saj.
Njoftimi i policisë:
Më datë 02.10.2021, rreth orës 18:35, në fshatin Labinot Fushë, Elbasan, në ambientet e një lokali, pas një konflikti për motive të dobëta shtetasi E.Ll., 53 vjeç, ka goditur me sende të forta shtetasin G.K., rreth 57 vjeç, banues në Elbasan, i cili është rrëzuar dhe është dëmtuar tek një tavolinë e lokalit. 57 vjeçari ndodhet në spital nën kujdesin e mjekëve.
Vijon puna për kapjen e autorit, pasi është larguar menjëherë pas konfliktit. Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes.
© SYRI.net