Më 18 shkurt 1999, Ssekretarja amerikane e Shtetit, Madeleine Albright paralajmëroi ndërmarrjen e një sulmi ajror mbi bazat ushtarake të Serbisë.
Sikurse është shprehur Albright, kjo ndërhyrje ishte e ngutshme në emër të lirisë së shqiptarëve të Kosovës dhe të vlefshmërisë së aleancës transatlantike. Operacioni ushtarak i NATO-s gjatë Luftës së Kosovës ndali spastrimin etnik dhe abuzimin me të drejtat themelore të popullsisë së pafajshme, njofton Drejtoria e Arkivave.
Në cilësinë e sekretares amerikane të Shtetit (1997-2001), Albright pati një rol të rëndësishëm në procesin e vendosjes së paqes në Kosovë. Në shenjë mirënjohjeje ndaj kontributit të pamohueshëm në çlirimin dhe në pavarësimin e Kosovës, në qendër të Prishtinës është ngritur një bust i saj.
© SYRI.net