Zëvendëskryeministri i Kosovës, Besnik Bislimi ka deklaruar për mediumin ukrainas “European Pravda” se një sulm i ngjashëm si me atë në Banjskë, mund të përsëritet sërish.

Ai ka shtuar se Kosova duhet të jetë gati për luftë.

“Nëse shikoni zhvillimet nga ana e Serbisë, gjithmonë mund të llogaritni me një konflikt potencial, dhe ka disa elemente që tregojnë se kjo mund të jetë e mundur. Kjo do të thotë se jemi gjithmonë të kujdesshëm, gjithmonë llogarisim me skenarin më të keq të mundshëm, por ne besojmë se prezenca e KFOR-it, trupave të NATO-s në Kosovë, mund të ndalojë këto tensione nga Serbia në të ardhmen e afërt, por gjithmonë është e mundur”, ka deklaruar Bislimi.

Ai ka shtuar se serbët që sulmuan në Banjskë ku u vra rreshteri i Policisë, Afrim Bunjaku, ishin të stërvitur dhe kishin synim pushtimin e veriut.

 “Kjo situatë tregoi se jetët e të gjithë qytetarëve tanë, pavarësisht nga etnia, janë të rëndësishme për ne. Sulmi ndaj manastirit mund të kishte çuar në viktima të shumta civile, kështu që ne duhet ta braktisnim atë,” thotë Maqedonci.

Ministri  i Mbrojtjes ka thënë se sulmi në Banjskë ishte si një tentim për të pushtuar veriun e Kosovës.

Bislimi shton se ka arsye të besohet gjithashtu se Rusia ishte direkt e përfshirë në sulm.

“Në jug të Serbisë, në qytetin e Nishit, i cili nuk është larg nga kufiri me Serbinë, ka një qendër humanitare ruse e quajtur “Qendra Humanitare Ruse”, e cila është angazhuar zyrtarisht në sigurinë nga zjarret, por askush nuk ka parë ndonjë rezultat të punës së saj,” ka deklaruar ai.

Zëvendëskryeministri ka theksuar se është e rëndësishme që perëndimi të pajtohet provat që ky ishte një sulm hibrid që kishte rrënjët e tij në udhëheqjen më të lartë të Serbisë.