Koncerti më i madh i mbajtur ndonjëherë në Kosovë Sheshet kryesore janë mbushur me njerëz të ardhur nga shumë vende të botës për koncertin e Rita Orës në Prishtinë.
“I Will Never Let You Down” ishte kënga hapëse e koncertit të shumëpritur të 27-vjeçares.
Më pas ka vazhduar me këngën kushtuar vendlindjes së saj, “Shine Ya Light”.
Para se të fillonte interpretimin, Rita i tha publikut se kjo këngë u kushtohej atyre.
Koncerti i Rita Orës është organizuar në kuadër të aktiviteteve të shumta për të shënuar dhjetëvjetorin e Pavarësisë së Kosovës.
Paraqitja e saj në skenë u prezantua nga kryeministri Ramush Haradinaj.
© SYRI.net