Ish-i i dashuri i Ariana Grande-s, Ricky Alvarez, merr pjesë në turneun 'Eternal Sunshine'

Prania e tij në seksionin VIP ka tërhequr menjëherë vëmendjen e publikut, ndërsa ai ishte i shoqëruar edhe nga babai i këngëtares, Ed Butera, me të cilin u pa duke u përshëndetur gjatë koncertit.

Momentin më të komentuar e ka sjellë vetë Ariana, e cila gjatë performancës së hitit “thank u, next” ndryshoi disa vargje të këngës, duke iu referuar në mënyrë të drejtpërdrejtë Alvarez-it, që po e ndiqte nga afër, shkruan DailyMail.

Në një pjesë të mbrëmjes, skena u bë edhe më emocionale kur këngëtares iu soll një tortë ditëlindjeje nga balerinët e saj mbështetës.

Rikthimi i Alvarez në publik pranë Grandes vjen në një periudhë kur ajo raportohet se është sërish beqare pas ndarjes nga bashkë-ylli i saj Ethan Slater, megjithëse sipas burimeve nuk ka asgjë romantike mes saj dhe ish-it të saj. 

Ricky Alvarez shakes Ariana Grande’s father’s hand after another ‘thank u, next’ lyric change:

“Wrote some songs about Ricky, I know he still got my back” pic.twitter.com/s4E11am01n

— Pop Base (@PopBase) June 27, 2026