Supermodelja dhe aktorja çeke Paulina Porizkova ka festuar 59-vjetorin me një foto që mori shumë vëmendjen. Ajo shfaqet e buzëqeshur e ulur në shtrat, e parregulluar dhe pa veshur asgjë. Me këtë foto modelja jep dhe një mesazh për të gjithë kritikuesit.

“Ja ku jam në vitin e fundit të të 50-tave. Kjo ka qenë dekada më e keqe, më e vështirë, por edhe më ndriçuese e jetës sime. Jam krenare që kam arritur moshën 59! Nuk jam ndjerë kurrë kaq rehat në lëkurën time. Për ata që si zakonisht do të më kritikojnë për foton e zhveshur në moshën time, dua t’i qetësoj menjëherë. M’u deshën 59 vjet që të ndihesha kaq rehat dhe pa turp, të njëjtën gjë uroj edhe për ju”, shkruan ajo.