Mbreti Charles mund të ketë ftuar për pushimet e verës në Angli princin Harry dhe Meghan Markle, në mënyrë që të ribashkohet me nipin dhe mbesën e tij. Ai e ka parë princin Archie, i cili mbush 5 vjeç muajin tjetër, për shumë pak, ndërsa princeshën Lilibet vetëm një herë.

Thuhet se Charles i ka ftuar në Balmoral djalin e tij dhe Meghan, për të shijuar pushimet familjare, në një moment të vështirë për mbretërorët, pasi mbreti dhe Kate Middleton janë diagnostikuar me kancer.

Një burim u shpreh për Page Six: “E shoh Charles që dëshpërimisht do të takojë fëmijët. Ai mund ta ketë marrë këtë vendim, pasi jeta është shumë e shkurtër. Balmoral është vërtet një vend perfekt dhe i paqtë për një ribashkim”.

Nga ana tjetër, direkt pasi mësoi se i ati vuan nga kanceri, princi Harry shkoi menjëherë për ta takuar, duke fluturuar nga Kalifornia drejt Mbretërisë së Bashkuar. Ndërsa për diagnostikimin e Kate, Harry dhe Meghan i uruan shëndet dhe shërim familjes.