Mikrofoni famëkeq me të cilin Cardi B gjuajti një fanse ka dalur në ankand.

Këngëtarja dhe reperja kontrovers tani është e dyshuar në një hetim për gjuajtjen e mikrofonit të saj ndaj një fansi teksa performonte në një klub plazhi në Las Vegas të shtunën.

Pamjet e incidentit tregojnë Cardin, 30 vjeçe – emri i vërtetë i të cilës është Belcalis Almanzar – duke u përgjigjur në mënyrë agresive pasi një grua në audiencë i hodhi një pije në skenë, shkruan DailyMail.

Mikrofoni – në pronësi të kompanisë së prodhimit të audios me bazë në Vegas, The Wave – tani është në ankand në eBay në një përpjekje për të mbledhur para për “Friendship Circle”, një organizatë që ndihmon fëmijët me nevoja të veçanta.

Punonjësi i kompanisë së prodhimit, Scott Fisher, i cili e mori mikrofonin, i tha TMZ se ishte e lehtë për t’u gjetur sepse fjala ‘MAIN’ ishte ngjitur në dorezën e tij.

Fisher thotë se mikrofoni ende funksionon, pavarësisht se u hodh me forcë të konsiderueshme nga reperja, e cila ishte në skenë vetëm disa orë pasi hodhi një tjetër mikrofon mbi DJ-në e saj ndërsa performonte një ditë më parë.

Çmimi aktual i tij renditet si 25,100 dollarë (22.849 euro) nga vetëm 27 oferta – një shifër që pritet të rritet ndjeshëm gjatë gjashtë ditëve të mbetura në faqen e ankandit.

Ndërkohë, gruaja që u godit nga mikrofoni shkoi në Las Vegas Metro PD të nesërmen për të raportuar incidentin, raporton TMZ.

Ajo i tha policisë se ishte goditur nga mikrofoni i hedhur nga skena, por nuk dihet nëse gruaja i tha policisë se fillimisht i kishte hedhur lëng ndaj artistes.

Në një kthesë tjetër intriguese të ngjarjeve, një tjetër fanse ka pohuar në rrjetet sociale se ajo është goditur nga mikrofoni dhe tha se nuk goditi personin që hodhi pijen te Cardi.

Incidentet e reperes vijnë pasi mbylli thashethemet se ajo dhe bashkëshorti i saj Offset krijuan një skandal tradhtie për të promovuar këngën e tyre bashkëpunuese, “Jealousy”, e cila u publikua të premten.