Këngëtarja e njohur Taylor Swift është shndërruar në një ndër artistet më të dashura nga publiku.

Ajo është me një javë tjetër masive në listat e Billboard (datë 22 korrik), pas publikimit më 7 korrik të albumit të saj të ri të ri-regjistruar “Speak Now”.

Ajo tani ka thyer rekordin botëror pas publikimit të shumë albumeve të cilat qëndrojnë në krye të listave të Billboard 200.

Versioni më i ri i hitit “Speaks Now” zuri vendin e parë nga 12 këngët e saj duke kaluar kështu edhe Barbra Streisand, e cila kishte 11.

Mirëpo kjo nuk është e vetmja histori që po bën Swift, pasi ajo tani është gjithashtu artistja e parë në 60-vite e fundit që katër albumet e saj renditen në top 10, duke u bërë kshtu gruaja e parë që ka 11 albume njëkohësisht në tabelën e Billboard 200.