Ish-konkurrentja e “Big Brother VIP” Mikela Pupa ka zbuluar se është në një lidhje, ndonëse nuk e ka treguar personin që i ka rrëmbyer zemrën.

Në një intervistë virtuale që ka realizuar me ndjekësit e saj në Instagram së fundmi Mikela zbuloi se partneri i saj ishte në ditëlindjen e saj para pak ditëve. Ajo ndau edhe dy foto me të por duke e mbuluar portretin me emoji.

Por, ndjekësit duket se ‘i bënë mirë detyrat e shtëpisë’, pasi duket se e zbuluan menjëherë se kush është i dashuri i saj.

Në TikTok po qarkullon një foto e tij ku shihet në të njëjtin vend dhe me të njëjtat rroba, si në foton e postuar nga Mikela.

Djaloshi që i ka marrë zemrën Mikelës është artist tatuazhesh teksa nuk dihet ende gjë mbi romancën e tyre.