Personi që e qëlloi me telefon në fytyrë këngëtaren Bebe Rexha thuhet se është arrestuar.

Kantautorja, 33 vjeçe, ishte duke kënduar në The Rooftop at Pier 17 në kuadër të turneut të saj “Best F’n Night Of My Life”, kur ajo u godit në fytyrë nga një telefon.

Siç shihet në një video në Twitter në momentin kur ndodhi incidenti, krijuesja e hitit “Back to You” u pa duke interpretuar dhe duke u drejtuar drejt pjesës së përparme të skenës me një ansambël ngjyrë vjollce.

Në një video të re, personi që e qëlloi me telefon shihet duke biseduar me sigurimin, e më pas duke e larguar nga turma.

Në atë moment, fansat po bërtisnin duke iu drejtuar se ishte një sulm kundrejt yllit të famshëm.

Mjekët po ashtu u shfaqën menjëherë dhe i dhanë trajtimin e duhur autores së “Meant to Be”.

Në Twitter u tha se biondes i është dashur të bënte tri qepje si pasojë e këtij incidenti.

Shumë fansa përmes rrjeteve sociale mes tjerash shprehën sulmin e pakuptimë ndaj Bleta Rexhës (emri i vërtetë).

Bebe duket se u sulmua nga një fans pikërisht në momentin kur bëri simbolin e shqiponjës me duar.

Absolutely great show ruined by a fan throwing their phone at @BebeRexha hopefully she is ok after that pic.twitter.com/4eBScgurv5

— Alex Chavez (@captiv_8_) June 19, 2023