Al Pacino sapo i është bashkuar klubit të baballarëve të moshuar, por sipas medias amerikane TMZ , nuk ishte pjesë e planit të aktorit të Kumbarit.

Media amerikane shkruan se 83-vjeçari i ka kërkuar të dashurës së tij, 29 vjeçares Noor Alfallah që të bënte një test për t'u siguruar që fëmija ishte i tij.

Burime pranë aktorit janë shprehur për TMZ se aktori ishte i 'tronditur' pasi besonte se nuk mund të linte askënd për shkak të 'çështjeve mjekësore'.

Alfallah u detyrua të bënte një test të ADN-së, i cili përfundimisht konfirmoi se Pacino ishte babai i fëmijës.

Ka pasur dhe disa spekulime nga mediat se aktori nuk ishte në dijeni të shtatzënisë prej muajsh.

Megjithatë, një burim i tha Daily Mail se ky lajm nuk ishte i vërtetë.

Ata thanë se ylli i Scarface ishte 'i gëzuar kur mësoi se ai po pret një fëmijë të katërt', edhe pse 'nuk pritej'.

TMZ së pari publikoi lajmin se ajo ishte tetë muajshe shtatzënë.

Aktori dhe Alfallah thuhet se janë në lidhje që nga prilli i vitit të kaluar.

Një burim i afërt me çiftin i tha Page Six : “Pacino dhe Noor filluan të takoheshin gjatë pandemisë. Ajo shoqërohet kryesisht me burra të moshuar shumë të pasur… Ka kohë që është me Al dhe shkojnë shumë mirë.

“Diferenca në moshë nuk duket të jetë problem, edhe pse ai është më i madh se babai i saj.

Aktori i Scarface tashmë ka tre fëmijë, më i madhi është Julie Marie (lindur në 1989), të cilin e ndan me Jan Tarrant.

Ai ka binjakë, një djalë Anton James dhe një vajzë Olivia Rose (lindur më 25 janar 2001), me aktoren Beverly D'Angelo.

Pacino nuk ka qenë kurrë i martuar.